في وسط فرحه برشلونة بالفوز علي اتليتكو مدريد و الاقتراب من حسم الدوري نسيوا انجاز هانز فليك..! 

تخيل معايا كدة ان برشلونة مع هانز فليك سجلوا 300 هدف في ظرف موسمين فقط ، هنمشيها موسمين باعتبار الموسم ده انتهي اكلينيكيا ، تفتكر بقي سجلوا ال 300 هدف دول في كام مباراة ؟

تخيل انهم سجلوهم في 107 مباراة بمعدل داخل في 3 اهداف في كل مباراة ، و المبهر ان ده رابع اعلي رقم في تاريخ برشلونة و اعلي رقم من 46 سنة كاملين ، هتقولي استني لحظه ، اعلي من جوارديولا شخصيا ؟ 

هقولك اه اعلي من جوارديولا شخصيا اللي وصل الي 300 هدف في 123 مباراة و هو معاه الجيل الذهبي ، و نفس رقم انريكي اللي كان معاه ميسي و نيمار وسواريز ، فليك عمل ده و هو مصروف عليه 88 مليون يورو فقط و بموسم كامل بدون مهاجم لدرجة ان اولمو بيلعب مهاجم وهمي دلوقتي ، تخيلت بقي لو اتصرف عليه زي باقي المدربين كان عمل ايه ؟

لما شاف برشلونة عنده ظروف ماليه مهربش من المسئوليه و مقالش هدافع و احاول الم نقاط بالواقعية ، لعب باسلوبه و اختار المجازفه حتي لو هيتقال عليه مجنووون ، فاز ب 4 بطولات و علي وشك الفوز بالخامسه و وصل الي 300 هدف في 107 مباراة ، هانز فليك رجل يستحق الاشاده كتب برشلوني مخلص

للمزيد من الاخبار على : 

https://algnoobpress.com/Home/Index/0?fbclid

#الجنوب_برس#عيون_جنوبية#

او صفحتنا في الفيسبوك على الرابط: 

https://www.facebook.com/share/g/1Dkv1pBc95

او على الوتساب: 

https://chat.whatsapp.com/EGSQlSuoJNSH6t5xxtPpvN?mode=gi_t

متابعة صفحتنا على (X) تويتر:

https://x.com/Algnoobpress